Parlamentning yoshlar fraksiyalari

Yoshlar parlamentidagi siyosiy partiyalar fraksiyalari

Fraksiya siyosiy partiyadan ko'rsatiladigan deputatlar tomonidan partiya manfaatlarini Qonunchilik palatasida ifodalash maqsadida tuziladigan deputatlar birlashmasidir. Qonunchilik palatasining kamida besh nafar deputati fraksiya tuzish huquqiga ega. Qonunchilik palatasining deputati qaysi siyosiy partiyadan ko'rsatilgan va Qonunchilik palatasiga saylangan bo'lsa, faqat shu partiya fraksiyasining a'zosi bo'lishi mumkin. Qonunchilik palatasida ko'pchilik o'rinni egallagan fraksiya parlamentdagi ko'pchilikni tashkil etadi. O'z dasturiy maqsadli vazifalarining yaqinligidan yoki mosligidan kelib chiqqan holda blok tuzadigan bir nechta fraksiyalar parlamentdagi ko'pchilikni tashkil etishi mumkin. Yangitdan shakllantirilgan hukumatning tutgan yo'li va dasturiga yoki uning ayrim yo'nalishlariga qo'shilmaydigan fraksiyalar o'zlarini muxolifat deb e'lon qilishi mumkin.

Fraksiya:
Qonunchilik palatasi majlisining kun tartibi, muhokama qilinayotgan masalalarni ko'rib chiqish tartibi va mohiyati yuzasidan takliflar hamda fikr-mulohazalar kiritadi; Qonunchilik palatasi majlisida muhokama qilinayotgan har bir masala yuzasidan muzokaralarda fraksiya vakiliga kafolatlangan tarzda so'z berilishi huquqidan foydalanadi; Qonunchilik palatasi muhokamasiga qo'yilgan qonun loyihalari, qonunchilik takliflari va boshqa qarorlar loyihalari yuzasidan o'z takliflarni kiritadi, Qonunchilik palatasining Kengashi, qo'mitalari va komissiyalari ishida ishtirok etadi, kelishuv komissiyasi va boshqa komissiyalar tuzish to'g'risida masala qo'yadi; Qonunchilik palatasi majlisida davlat hokimiyati organlarining va respublika ijro etuvchi hokimiyat organlarining mansabdor shaxslariga ularning tasarrufiga kiradigan masalalar yuzasidan asoslantirilgan tushuntirish berish yoki o'z nuqtai nazarini bayon etish talabi bilan murojaat etadi, hukumat a'zolarini palata majlisida eshitish to'g'risida masala qo'yadi.