Yoshlar parlamenti tarixi

Birinchi chaqiriq Oliy Majlis Qonunchilik palatasi huzuridagi Yoshlar parlamentiga 5 ta siyosiy partiya ishtirokida Liberal-demokratik partiya 53 ta deputatlik mandatiga, "Milliy tiklanish" demokratik partiyasi – 36 ta joyga, "Adolat" sotsial-demokratik partiyasi – 24 ta joyga, Xalq-demokratik partiyasi – 22 ta joyga hamda O’zbekiston Ekologik partiyasi 15 ta deputatlik o’rniga muvofiq ikki yarim yilga saylandilar.

Birinchi chaqiriq Yoshlar parlamenti raisi Boboyev Jamshid saylangan.

Ikkinchi chaqiriq Oliy Majlis Qonunchilik palatasi huzuridagi Yoshlar parlamentiga 5 ta siyosiy partiya ishtirokida Liberal-demokratik partiya 53 ta deputatlik mandatiga, "Milliy tiklanish" demokratik partiyasi – 36 ta joyga, "Adolat" sotsial-demokratik partiyasi – 24 ta joyga, Xalq-demokratik partiyasi – 22 ta joyga hamda O’zbekiston Ekologik partiyasi 15 ta deputatlik o’rniga muvofiq ikki yarim yilga saylandilar.

2023-yil 30-aprelda tarixda ilk marta umumxalq referendumi asosida yangi tahrirdagi O’zbekiston Respublikasi Konstitutsiyasining qabul qilinishi ikkinchi chaqiriq Yoshlar parlamenti davrida eng muhim voqea bo’ldi.

Qonunchilik palatasi ko’rib chiqishida bo’lgan qonun loyihalari yuzasidan Yoshlar parlamenti a’zolari tomonidan jami 142 ta taklif tayyorlangan bo’lib, ulardan 84 tasi qonun loyihalarini takomillashtirish jarayonida inobatga olingan. Konstitutsiyaviy islohotlar jarayonida Yoshlar parlamenti a’zolari faol ishtirok etishdi — jami 1 381 ta taklif Konstitutsiyaviy komissiyaga yuborildi va 53 ta davra suhbati tashkil etildi. Yangilangan Konstitutsiyada yoshlar huquqlari va manfaatlari mustahkamlandi.

Yoshlar parlamentida mamlakat yoshlarini manfaatlarini himoya qilishga qaratilgan 8 ta qo’mitalar faoliyati yo’lga qo’yilgan. 2023 yildan boshlab Yoshlar parlamenti a’zolari 21 ta vazirlik va idoralarga biriktirildi. 2024 yilning 30 oktyabrida bo’lib o’tgan saylovda Yoshlar parlamenti a’zolari partiyalar bilan birgalikda 3 mingga yaqin takliflar ilgari surdi. Saylov natijasida 1 nafar deputat, 6 nafar viloyat va tuman kengashi deputati, 12 nafar mahalliy hokimiyat lavozimiga saylandi va tayinlandi.

O’tgan davr mobaynida Yoshlar parlamenti a’zolari jami 21 ta xalqaro tadbirlarda ishtirok etishdi, shundan 9 tasi xorijiy davlatlardagi tadbirlar bo’lib, Rossiya, Turkmaniston, Ozarbayjon, Belarus, Tojikiston delegatsiya vakillari bilan hamkorlik rejalari kelishib olindi.

Ikkinchi chaqiriq Yoshlar parlamenti raisi Joldasova Shaxnoza Batirovna saylangan.

Oliy Majlis saylov natijalariga muvofiq Joldasova Shaxnoza Batirovna saylanganligi uchun 2025-yil 6-fevral kuni Yoshlar parlamentining navbatdan tashqari yig’ilishida Sobitov Otabek Yo’ldosh o’g’li nomzodi ko’pchilik ovozi bilan ma’qullandi.

Uchinchi chaqiriq Oliy Majlis Qonunchilik palatasi huzuridagi Yoshlar parlamentiga 75 ta deputatlik mandati bir mandatli okruglar bo’yicha taqsimlandi va 75 ta deputatlik mandati – yagona saylov okrugi bo’yicha yoki partiya ro’yxatlari bo’yicha Liberal-demokratik partiya 64 ta deputatlik mandatiga, "Milliy tiklanish" demokratik partiyasi – 29 ta joyga, "Adolat" sotsial-demokratik partiyasi – 21 ta joyga, Xalq-demokratik partiyasi – 20 ta joyga hamda O’zbekiston Ekologik partiyasi 16 ta deputatlik o’rniga muvofiq besh yilga saylandilar.

O’zbekiston Respublikasi Oliy Majlisi Qonunchilik palatasining Kengashining 2025-yil 26-fevraldagi 574-V-sonli Qarori qabul qilinib, Yoshlar parlamenti a’zolarining siyosiy partiyalarga daxldorligi oshirildi va har bir siyosiy partiyalarning yoshlar guruhlari tashkil etildi hamda fraksiya yig’ilishlarida deputatlar bilan Yoshlar parlamenti a’zolarining ishtiroki ta’minlandi.

Uchinchi chaqiriq Yoshlar parlamenti raisi Sobitov Otabekxo’ja Yo’ldosh o’g’li saylangan.